Foron relatores os auditores de contas José Carlos Alonso e Julio Sainz Gascón e o avogado e administrador concursal Óscar Gil Borrell, quen explicou que a reforma do Código Penal L.O. 1/2015 puxo de relevo a conveniencia de implantar un manual de prevención de delitos, ou manual de "compliance", coa finalidade de eximir de responsabilidade penal ás persoas xurídicas polos ilícitos penais que poidan cometerse polos empregados e directivos no seo da súa organización.

Nesta xornada déronse a coñecer os requisitos que debe de cumprir o manual de "compliance" e o código de conduta ética tal como regula o artigo 31 bis do Código Penal. Os asistentes tamén puideron profundar, durante o debate, nos cambios de cultura que "necesariamente deben producirse no sistema de organización e xestión das empresas para a prevención do delito".